"ಬಿಕರಿಗಿಟ್ಟ ಮೇಟಿವಿದ್ಯೆ ಮೇಣಿಹಾಲು!" - ಡಾ.ವಡ್ಡಗೆರೆ ನಾಗರಾಜಯ್ಯ

ಬಿಕರಿಗಿಟ್ಟ ಮೇಟಿವಿದ್ಯೆ ಮೇಣಿಹಾಲು!
*******************************

ನನ್ನ ಅಪ್ಪ ನೇಗಿಲಿಡಿದು ಬಯಲುಕ್ಕೆಯ
ಉಳುತ್ತಿರುವಾಗ
ಅಲ್ಲೊಬ್ಬ
ಬದುವಿನಗುಂಟ
ನಡೆದು ಹೋಗುತ್ತಿದ್ದ ಹಾಲುಗಲ್ಲದ 
ಹುಡುಗನನ್ನು ಕೂಗಿ ಕರೆವುದನ್ನು
ನಾನು ಕಂಡಿದ್ದೆ,
"ಅಪ್ಪದೋ ಕಂದಾ...!
 ನಿಂಗೆ ಮೇಣಿಹಾಲು ಕುಡಿಸ್ತೀನಿ ಬಾರೋ...!"

ಆ ಹುಡುಗನ ಕೈಹಿಡಿದ ನನ್ನಪ್ಪ ಅವನ
ಅಂಗೈಗಳಿಂದ ನೇಗಿಲ
ಮೇಣಿ ಹಿಡಿಸಿ 
ಸೀಳುಕ್ಕೆಯಲ್ಲಿ ಮೂಡಿದ
ಕುಳದ ಗೆರೆಗುಂಟ ಹಸಿರು 
ಅಕ್ಷರದ ಮೇಣಿಹಾಲನೆರೆಯುತ್ತಿದ್ದ!

ಎತ್ತುಗಳ ಹೆಗಲಿಗೆ ನೊಗವೂಡಿ
ನೇಗಿಲ ಮೇಣಿ ಹಿಡಿದು
ಮೇಟಿ ವಿದ್ಯೆಯ ಕಲಿವುದನ್ನು
'ಮೇಣಿಹಾಲು ಕುಡಿಯುವುದು' 
ಎಂದು 
ಭೂಸ್ತನ್ಯ ಜನನಿಗೆ
ಹೋಲಿಸಿರುವ ಸೋಜಿಗದ ವಿದ್ಯೆ ಇದು!

ನನಗೂ ಹೀಗೆಯೇ
ನಮ್ಮೂರ ತಿಗಳರ ಬಯಲಪ್ಪ ಮೇಣಿಹಾಲು ಕುಡಿಸಿ ಮೇಟಿ ವಿದ್ಯೆಯ 
ಪ್ರಥಮ ಪಾಠಗಳನ್ನು ಕಲಿಸಿದ್ದ ನೆನಪಾಯಿತು.

ನೇಗಿಲಿಡಿದು ಉಳುವ ಗಂಡು ಕೂಡಾ
ಮೇಣಿಹಾಲು ಕುಡಿಸುವ 
ಹೆಣ್ಣಾಗುವ ತಾಯ್ತನದ
ಬೆಡಗನ್ನು ಕಂಡು ಬೆರಗಾದೆ!

ಬಯಲ ಬದುವಿನಗುಂಟ
ನಡೆಯುತ್ತಿದ್ದ ಆ ಹುಡುಗ
ನನ್ನಪ್ಪ ಕುಡಿಸಿದ ಮೇಣಿಹಾಲು ಕುಡಿದು ಅವನ
ಅಂಗೈನಲ್ಲಿ ಪರಂಜ್ಯೋತಿ ಉರಿದಿತ್ತು! 
ಆ ಹುಡುಗನ ಬದುಕಿನ
ಬಯಲುಕ್ಕೆ ಹಸಿರು ಪತ್ತಲವನುಟ್ಟು ನಕ್ಕಿತ್ತು.

ಲಾಭನಷ್ಟ ಕ್ರಯ ವಿಕ್ರಯಗಳ
ಬಾಬತ್ತಿಲ್ಲದೆ ಜೀವರಸದ ಬಾಳುವೆಗೆ ಅನ್ನರಸವನೀಯುವ
ವಿದ್ಯೆಯ ಕಲಿಸುವ 
ರೈತನ ಬೆನ್ನೆಲುಬ ಬೆವರ ಬೇಗುದಿಯ ಮೇಣಿಹಾಲು
ಇಂದು ಕಾರ್ಪೊರೇಟ್ ಬಂಡವಾಳಿಗರ
ಚಕ್ಕಂದಾಟದಲ್ಲಿ ವಿಶ್ವಮಾರುಕಟ್ಟೆಯ
ಸರಕು! 
ರೈತರ ಕಳೇಬರಗಳ ಮೇಲೆ
ಮೇಟಿ ವಿದ್ಯೆಯ ಮೇಣಿಹಾಲಿನ
ಸರಕು ಮಾರಾಟಕ್ಕಿದೆ ಕೊಳ್ಳಿರೋ... ಕೊಳ್ಳಿರೋ...!

ಡಾ.ವಡ್ಡಗೆರೆ  ನಾಗರಾಜಯ್ಯ
8722724174

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

*ನಾವು ಹುಡುಗಿಯರೇ ಹೀಗೆ* - ಪ್ರತಿಭಾ ನಂದಕುಮಾರ್

ಇಮೇಜ್
*ಪ್ರತಿಭಾ ನಂದಕುಮಾರ್* ಲೇಖಕಿ ಪ್ರತಿಭಾ ನಂದಕುಮಾರ್ ಅವರು ಮೂಲತಃ ಬೆಂಗಳೂರಿನವರು. 1955 ಡಿಸೆಂಬರ್ 15ರಂದು ಜನಿಸಿದರು. ತಂದೆ-ವಿ. ಎಸ್. ರಾಮಚಂದ್ರರಾವ್, ತಾಯಿ- ಯಮುನಾಬಾಯಿ. ಬಾಲ್ಯದ ಬಹುದಿನಗಳನ್ನು ಬೆಂಗಳೂರು ಮತ್ತು ಮೈಸೂರಿನಲ್ಲಿ ಕಳೆದಿರುವ ಪ್ರತಿಭಾ, ಮದ್ರಾಸ್ ವಿಶ್ವವಿದ್ಯಾಲಯದಿಂದ ಎಂ.ಎ ಮತ್ತು ಎಂ.ಫಿಲ್ ಪದವಿ ಪಡೆದಿದ್ದಾರೆ. ಎನ್.ಜಿ.ಎಫ್‌ನಲ್ಲಿ ಭಾಷಾಂತರಕಾರರಾಗಿ ನಂತರ ಇಂಡಿಯನ್ ಎಕ್ಸ್‌ಪ್ರೆಸ್, ಡೆಕ್ಕನ್ ಹೆರಾಲ್ಡ್ ಮತ್ತು ಅಗ್ನಿ ಪತ್ರಿಕೆಗಳಲ್ಲಿ ಪತ್ರಕರ್ತೆಯಾಗಿ ಕಾರ್ಯನಿರ್ವಹಿಸಿದ್ದಾರೆ. ಜೊತೆಗೆ ಸಿನಿಮಾ ರಂಗದಲ್ಲಿಯೂ ಸಹಾಯಕ ನಿರ್ದೇಶಕಿಯಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಪತಿ ನಂದಕುಮಾರ್ ಹಾಗೂ ಮಕ್ಕಳು ಅಭಿರಾಮ್ ಮತ್ತು ಭಾಮಿನಿ ಜೊತೆ ಸದ್ಯ ಬೆಂಗಳೂರಿನಲ್ಲಿ ವಾಸವಿರುವ ಪ್ರತಿಭಾ ನಂದಕುಮಾರ್ ಕಾವ್ಯಧರ್ಮವನ್ನೇ ತಮ್ಮ ಮನೋಧರ್ಮವನ್ನಾಗಿಸಿಕೊಂಡಿರುವ ಕವಿ. ಅವರ ವೈಯಕ್ತಿಕ ಮತ್ತು ವೃತ್ತಿ ಬದುಕುಗಳೆರಡರಲ್ಲೂ ನಿರಂತರ ಸಾಹಸ ಮತ್ತು ಪ್ರಯೋಗಗಳನ್ನು ನಡೆಸಿದವರು. ಉತ್ಕಟವಾಗಿ ಜೀವಿಸುವುದೇ ಬದುಕಿನ ಪರಮ ಸತ್ಯವನ್ನು ತಿಳಿಯಲು ಇರುವ ಏಕೈಕ ದಾರಿ ಎಂದು ನಂಬಿರುವ ಪ್ರತಿಭಾ ಅದೇ ಉತ್ಕಟತೆಯನ್ನು ತಮ್ಮ ಕವಿ ಸಮಯದುದ್ದಕ್ಕೂ ಕಾದುಕೊಂಡಿದ್ದಾರೆ. ಅವರ ಪ್ರಕಟಿತ ಪುಸ್ತಕಗಳು- ನಾನು ಹುಡುಗಿಯರೇ ಹೀಗೆ, ಈತನಕ, ರಸ್ತೆಯಂಚಿನ ಗಾಡಿ, ಕವಡೆಯಾಟ, ಆಹಾ ಪುರುಷಾಕಾರಂ, ಅವರು ಪುರಾವೆಗಳನ್ನು ಕೇಳುತ್ತಾರೆ, ಮುನ್ನುಡಿ ಬೆನ್...
ಇನ್ನಷ್ಟು ಓದಿ

***ಕನಸು ಕಾಣುವ ಹೋತ್ತಲ್ಲ***

ಇಮೇಜ್
"ಕನಸು ಕಾಣುವ ಹೊತ್ತಲ್ಲ" ಕನಸು ಕಾಣುವ ಹೊತ್ತಲ್ಲ ಸಖಿ , ವಾಸ್ತವತೆ ಬೆನ್ನಟ್ಟಿ ಬರುತಿದೆ ನನ್ನನ್ನು ಬರಿ ನನ್ನನ್ನೇ ಅಲ್ಲ ನಿನ್ನನ್ನು, ಅವನನ್ನು, ಇವಳನ್ನು ಅಷ್ಟೆ ಏಕೆ ಇಡೀ ದೇಶವನ್ನು. ಕಡ್ಡಿಯ ಮೇಲೆ ಕಡ್ಡಿ ಉರಿಸಿದರು, ಬೂದಿಯ ಮೇಲೆ ಬೂದಿ ಮುಚ್ಚಿದರು, ಮಣಗಟ್ಟಲೆ ಹಾಳೆಯ ಮೇಲೆ ಮಸಿಯ ಓಕುಳಿ ಆಡಿದರು, ಗೋಡೆಗಳ ಮೇಲೆ ಎಷ್ಟೇ ಗೀಚಿದರು, ನಿಲ್ಲುವುದೇನು ಈ ರಕ್ತ ಹಪಕಪಿ. ದೊರೆ, ದೊರೆಮಕ್ಕಳ ಮತ್ತವರ ಮಂತ್ರಿಗಳ ದುರಾಸೆಯ ಸೆರಗು, ಚಾಚಿದಷ್ಟು ಚಾಚುವಷ್ಟು ಚಟ ಅವರಿಗೆ. ಮಾತೆ ಮಾತೆ ಎಂದು ಅವಳ ಗರ್ಭಪಾತ ಮಾಡುವ ತಾಯ್ಗಳ್ಳರು, ತಾನು ತಿಂದುದ್ದ ಮೇಕೆಗೆ ಸವರುವ ಕೋತಿಯ ಹಿಂಬಾಲಕರು, ಉಣ್ಣುವ ಅನ್ನಕ್ಕೆ,ಬಿತ್ತುವ ನೇಗಿಲಿಗೆ, ದುಡಿಯುವ ಕೈಗಳಿಗೆ ದಾಖಲೆಯ ಕೇಳುವ ದೊರೆ. ಬೆನ್ನೆಲುಬ ಎದೆಯಲ್ಲಿ ಕಿಚ್ಚು ಹತ್ತಿದರೆ ನಿರೆರೆಚುವ , ಕೇಳದಿರೆ ನೆತ್ತಿಗೆ ಮೊಳೆ ಹೊಡೆಯುವ ಮೂಕರು. ಬೆಡ್ಡಲ್ಲಿ, ಬ್ರೆಡ್ಡಲ್ಲಿ, ಪ್ರಾಣವಾಯುವಿನಲ್ಲೂ ಕೂಡ ಕದಿಯುವ ಕದಿಮರು . ಕೇಳಿದರೆ ಬರೀ ದೇವರ ತೋರಿಸುವವರ  ಕೈಗೆ ದೇಶ ಕೊಟ್ಟು ಕುಂತಿದ್ದೇವೆ ಸಖಿ. ಇದು ಕನಸ ಕಾಣುವ ಹೊತ್ತಲ್ಲ, ಕನಸೇನು ನಿದ್ರೇ ಕೂಡ ಬರುತ್ತಿಲ್ಲ. ಇನ್ನು ಜಾಗೃತ ಆಗಬೇಕು. ಕನಸು ಕನಸಿನ ಮಾತು... ....                    - ಭಾರತೀಶ                      ...
ಇನ್ನಷ್ಟು ಓದಿ

"ಎಲ್ಲೆಲ್ಲೂ ಬೆಳಕು" - ವೆಂಕಟೇಶ್ ಪಿ. ಆರ್

ಇಮೇಜ್
ವೆಂಕಟೇಶ್ ಪಿ.ಆರ್ __________________ "ಎಲ್ಲೆಲ್ಲೂ ಬೆಳಕು"              - ವೆಂಕಟೇಶ್ ಪಿ.ಆರ್                 ಹಿರಿಯ ಸಾಹಿತಿಗಳು                      ಬಳ್ಳಾರಿ ಎಲ್ಲಲ್ಲೂ ಬೆಳಕೆ ಮನೆಯಲ್ಲಿ ಬೀದಿಯಲ್ಲಿ ಗಲ್ಲಿಗಲ್ಲಿಯಲ್ಲಿ ಜಗಮಗಿಸುವ ಬೆಳಕು ಕಾಣಲಾರದು ಧರೆಯು ಹೊಳೆಯಲಾರದು ಬಾನು  ಎಲ್ಲಲ್ಲೂ ಕಾರಿರುಳು ಕಡೆದ ಕುರುಡು. ಎಲ್ಲಲ್ಲೂ ಬೆಳಕೆ ಗಾಳಿಗೆ ಓಡುತ್ತೆ  ಮಳೆಗೆ ಆರುತ್ತೆ ಎತ್ತೆತ್ತಲೋ ಹಾರಿ  ಮಹಡಿಯ ಸೇರುತ್ತೆ ಬಲವಿಲ್ಲದ ಕೈ ಹೊಸೆದ ನಿತ್ರಾಣದ ಬತ್ತಿ  ಎಣ್ಣೆ ಇಲ್ಲದ ಹಣತೆಯಲ್ಲಿ  ಏನು ಕಾಣುತ್ತಿ ಮೈಸುಳಿವ ಮಿಂಚಿಲ್ಲ,  ಕಾವು ತಾಕುತ್ತಿಲ್ಲ ಕುಡಿ ಇಲ್ಲ ಕಣ್ಣಿಲ್ಲ ಊದಿಹೊತ್ತಿಸಲು ಕೆಂಪು ಕೆಂಡವೂ ಇಲ್ಲ. ಕಾಡಾನೆಗತ್ತಲಪ್ಪಿ  ಬೇಸತ್ತ ಜನ ಬಸವಳಿದ ಬಾಯ್ತುಂಬ ಶಪಿಸಿದ್ದಾರೆ ಮನ ಸಾಯಬೇಕಿದೆ ಬೆಳಕು ಹಂಗಿನೊಳಗೆ ಅಳುಕು ಇದರೊಳಗೆ ಗೂಂಯ್ಗುಡುವ  ಸೊಳ್ಳೆಗಳ ತಿವಿತ ತಡವರಿಸುವ ಜೀವಕೆ ಕತ್ತಲ ಕವಿತ ರಾತ್ರಿಯೆಲ್ಲಾ ನಿದ್ದೆಗೆಟ್ಟು ಕಂಗೆಟ್ಟ ಜನ ಕಣ್ಣಮುಚ್ಚಿ ಕನಸಿದ್ದಾರೆ ಭರವಸೆಯ ಬನ ರೆಪ್ಪೆ ಬಾಗಿಲ ತಟ್ಟಿ ಕಣ್ಣ ಕವಡಿಯ ಮೀಟಿ ಕತ್ತಲ ಪೊರೆ ಹರಿದು  ಮೈ ತುಂಬಿ ಹಾಡಿದೆ ಸದ್ದುಗದ್ದಲವಿಲ್ಲ...
ಇನ್ನಷ್ಟು ಓದಿ